მისია

ქეთევან დოლიძის სახელობის სკოლა ,,მერმისის’’ მისიაა აღზარდოს მოსწავლეები
განათლებულ, მცოდნე, პატრიოტ, დემოკრატიული ღირებულებების მქონე, თავისუფალ
მოქალაქეებად. მისცეს მათ ნიჭისა და შესაძლებლობის მაქსიმალურად გამოვლენის საშუალება,
განუვითაროს პასუხისმგებლობის, კრიტიკულად აზროვნების , გადაწყვეტილებების
დამოუკიდებლად მიღების, განსხვავებული აზრის თავისუფლად გამოხატვის უნარი,
თანამედროვე სამყაროსთან ადაპტირების შესაძლებლობა.

ხედვა

სკოლის მისიიდან გამომდინარე, სკოლის ხედვაა მოსწავლეთა უმრავლესობას შეეძლოს
საკუთარი შესაძლებლობების შეფასება, თავის წარმოჩენა, სხვადასხვა მიმართულებით
განვითარება და მიზნისაკენ სვლა. მოსწავლეთა 90% შეძლოს კრიტიკული და ანალიტიკური
აზროვნება, თანამშრომლობა და კომუკაცია, მუდამ იღწვოდეს ახალი ცოდნის შესაძენად,
მოსწავლეთა 60-70% გამოავლინოს შემოქმედებითი უნარები, ხოლო 95% იყოს დამოუკიდებელი
და შეძლოს პასუხისმგებლობის აღება საკუთარ გადაწყვეტილებაზე. თითქმის ყველა მოსწავლე
წარმატებითა და გრანტებით ირიცხებოდეს უმაღლეს სასწავლებლებში, მათ შორის – 50%
მსოფლიოს უნივერსიტეტებში და იყვნენ გამორჩეული სტუდენტები.

ღირებულებები

ქეთევან დოლიძის სახელობის სკოლა ,,მერმისი’’ დაარსების დღიდან (1994 წ.) იზიარებდა და
ახლაც იზიარებს დემოკრატიის პრინციპებს, იღწვოდა და იღწვის სწავლა-სწავლების სისტემაში
სიახლეების დანარგვისათვის. ასევე მნიშვნელოვანია ეროვნული კულტურის პატივისცემა და
მსოფლიო კულტურით დაინტერესება, დასავლური ცივილიზაციის მიღწევების აღიარება და
ცოდნა, მოქალაქეობრივი შეგნება, ტოლერანტობა და ემპათია, თანამშრომლობა და
გუნდურობის განცდა.