XII უსაფრთხო სკოლა

სკოლის ადმინისტრაცია უზრუნველყოფს უსაფრთხო და იყოს სასწავლო გარემოს შექმნას.

XII.1.ფიზიკური უსაფრთხოება

XII.1.1. სკოლაში დაცულია სახანძრო უსაფრთხოება;
XII.1.2. სკოლაში დაცულია სანიტარულ –ჰიგიენური ნორმები;
XII.1.3. მოსწავლეს შეუძლია სკოლასა და მის მიმდებარე ტერიტორიაზე თავისუფალი და უსაფრთხო გადაადგილება;
XII.1.4. სკოლის დაცვა აკონტროლებს უცხო პირთა შემოსვლას სკოლაში;
XII.1.5. საჭიროების შემთხვევაში სკოლა ზღუდავს გარეშე პირთა და ორგანიზაციათა დაუგეგმავ ღონისძიებებს;
XII.1.6. შესაბამისი სამსახურების (მაგალითად, მანდატურის ან მსგავსი სტრუქტურების) დახმარებით აკონტროლებს მოსწავლეთა უსაფრთხოებას, მათი ყოფისათვის საშიში ნივთების სკოლის ტერიტორიაზე მოხვედრას.
XII.1.7. სკოლა უზრუნველყოფს უკონფლიქტო და მშვიდ გარემოს, ახდენს დაძაბული სიტუაციების განმუხტვას, მოსალოდნელი საფრთხის პრევენციას;

XII.2.წამახალისებელი, სულიერად უსაფრთხო გარემო:

XII.2.1. სკოლაში შექმნილია ფსიქოლოგიურად ჯანსაღი გარემო;
XII.2.2. მასწავლებელი და მოსწავლე თანამშრომლობენ სწავლა-სწავლების მიზნით;
XII.2.3. სკოლა ხელს უწყობს მოსწავლეთა შორის პოზიტიური ურთიერთობების ჩამოყალიბებას;
XII.2.4. სკოლაში არის პოზიტიური საკომუნიკაციო გარემო;
XII.2.5. სკოლაში დაცულია სამართლიანობის, თანასწორობის და მიუკერძოებლობის პრინციპები;
XII.2.6. მოსწავლეს თავისუფლად შეუძლია საკუთარი მოსაზრების გამოთქმა;
XII.2.7. მოსწავლეს აქვს თვითრეალიზაციის საშუალება;
XII.2.8. სკოლაში ყველა დონეზე დაცულია ურთიერთობის ეთიკის ნორმები.