VIII სამუშაო რეჟიმი

VIII.1. სკოლაში სწავლა იწყება არაუგვიანეს განათლებისა და მეცნიერების სამინისტროს მიერ დადგენილი თარიღისა;
VIII.2. სწავლის ხანგრძლივობა განისაზღვრება არანაკლებ განათლებისა და მეცნიერების სამინისტროს მიერ დადგენილი სტანდარტისა;
VIII.3. არდადეგებით გათვალისწინებული დღეების რაოდენობა გათვლილია განათლებისა და მეცნიერების სამინისტროს რეკომენდაციის შესაბამისად, თუმცა სკოლა იტოვებს უფლებას იგი გამოიყენოს თავისი შეხედულებისამებრ.
VIII.4. სამუშაო კვირა განისაზღვრება 5 დღით, ორშაბათიდან პარასკევის
ჩათვლით. სკოლა იტოვებს უფლებას ნებისმიერი უქმე დღე გამოაცხადოს  სამუშაო დღედ.
VIII.5. სამუშაო დღე იწყება დილის 900 საათზე და მთავრდება 1700  საათზე.
გაკვეთილების შემდგომი დრო შეიძლება გამოყენებულ იქნეს  კლასგარეშე და სკოლისგარეშე საგანმანათლებლო აღმზრდელობითი,  წრეობრივი და საკონსულტაციო მუშაობისათვის.
VIII.6. პედაგოგის სასწავლო  დატვირთვა განისაზღვრება სასკოლო საათობრივი ბადით.
პედაგოგისთვის იქ, სადაც შესაძლებელია, განისაზღვროს კვირაში ერთი თავისუფალი
დღე მეთოდური სამუშაოებისათვისა და კვალიფიკაციის  ასამაღლებლად.
VIII.7. ზამთრისა და ზაფხულის არდადეგების პერიოდი, რომელიც არ ემთხვევა მორიგ შვებულებას წარმოადგენს სამუშაო  დროს. ამ პერიოდში ადმინისტრაცია პედაგოგს ავალებს პედაგოგიურ  საორგანიზაციო დატვირთვას.
VIII.8.სკოლის დირექტორის გადაწყვეტილებით შესაძლებელია ზამთრისა და გაზაფხულის არდადეგები გამოცხადებულ იქნას ანაზღაურებად მორიგ შვებულებად.
VIII.9. სასწავლო წლის ხანგრძლივობის მინიმალური ზღვრული ოდენობა უნდა განისაზღვროს  განათლების და მეცნიერების სამინისტროს მიერ დადგენილი  წესით.
VIII.10. გაკვეთილები იწყება 9 საათზე, გაკვეთილის ხანგრძლივობაა 45 წუთი.
შესვენებების ხანგრძლივობა   5დან  15 წუთამდე. გამონაკლისი შესაძლებელია
დაშვებულ იქნეს ექსტრემალური პირობების დროს (ყინვა, განსაკუთრებული სიცხეები
და ა.შ.) როდესაც სკოლამ შესაძლოა ხანმოკლე ვადით შეცვალოს გაკვეთილების
და/ან  დასვენებების ხანგრძლივობები სასწავლო დღის შემცირების მიზნით.
VIII.11. სკოლის ყველა თანამშრომლის სამუშაო დრო განისაზღვრება ინდივიდუალური
ხელშეკრულებით.
VIII.12.პედაგოგიური მუშაკის სასწავლო დატვირთვა ახალი სასწავლო წლისთვის
განისაზღვრება სკოლის დირექტორის მიერ პედაგოგიური კოლექტივისა და კათედრების
აზრის გათვალისწინებით.
VIII.13.სასწავლო წლის განმავლობაში შრომითი ხელშეკრულებით დადგენილი პედაგოგიური მუშაკის სასწავლო დატვირთვის გაზრდა, ან შემცირება შესაძლებელია მხოლოდ შემდეგ შემთხვევევბში: Aა) მხარეთა ურთიერთშეთანხმებით . ბ)Aადმინისტრაციის ინიციატივით გ). სასწავლო გეგმით, ან პროგრამებით საათების ან კლასების შემცირების შემთხვევაში (აღნიშნული ცვლილებების შესახებ დასაქმებულს უნდა ეცნობოს ერთი კვირით ადრე, თუ იგი არ არის თანახმა გააგრძელოს მუშაობა ახალი პირობებით ხელშეკრულება შეწყვეტილად ითვლება).
VIII.14.სკოლა არ მუშაობს სახელმწიფოს მიერ გამოცხადებულ უქმე დღეებში.
VIII.15. სკოლას უფლება აქვს განსაკუთრებული საჭიროების შემთხვევაში სამუშაო დღე (დიდი სასკოლო ღონისძიებები, სანიტარიული დღეები და ა.შ.) გამოაცხადოს დასვენებად.