V დასაქმებულთა ფუნქციები და ვალდებულებები

V.1 დირექტორი

V.1.1. უძღვება სკოლის საქმეებს და მესამე პირთან ურთიერთობაში სკოლას წარმოადგენს დირექტორი;
V.1.2. სკოლის დირექტორი თავის საქმიანობას ახორციელებს სკოლის წესდების, შრომის შინაგანაწესისა და საქართველოს მოქმედი კანონმდებლობის შესაბამისად;
V.1.3. დირექტორი ზედამხედველობს სკოლის ფინანსურ და სასწავლო-აღმზრდელობით პროცესს;
V.1.4. სკოლის მიზნების განსახორციელებლად დირექტორი უფლებამოსილია სკოლის სტრუქტურაში შექმნას შესაბამისი ერთეულები;
V.1.5. სტრუქტურული ერთეულების ხელმძღვანელებს ნიშნავს დირექტორი. სტრუქტურული ერთეულების ხელმძღვანელები ანგარიშვალდებულები არიან დირექტორის წინაშე;
V.1.6. სკოლის ადმინისტრაციაში დირექტორს ჰყავს ორი მოადგილე: მოადგილე სასწავლო-აღმზრდელობით დარგში, მოადგილე საფინანსო დარგში;
V.1.7. დირექტორის არყოფნის შემთხვევაში მის უფლებამოსილებას ახორციელებს ერთ-ერთი მოადგილე მინდობილობის საფუძველზე.

V.2 დირექტორის მოადგილე საფინანსო დარგში

V.2.1. დირექტორის მოადგილე საფინანსო დარგში წარმართავს სკოლის საფინანსო პოლიტიკას;
V.2.2. აკონტროლებს და ზედამხედველობს სკოლის საფინანსო და საბუღალტრო აღრიცხვა-ანგარიშგების საქმიანობას;
V.2.3. სკოლის დირექტორატთან ათანხმებს საშტატო სახელფასო განაკვეთის ოდენობას;
V.2.4. ამზადებს და წარმოადგენს სკოლის ფინანსურ ანგარიშს;
V.2.5. უზრუნველყოფს სკოლის მატერიალურ-ტექნიკურ მომარაგებასა და აღჭურვას;
V.2.6. პასუხისმგებელია სკოლის ქონების დაცვასა და გამოყენებაზე,ასევე, ორგანიზებას უწევს ამ საქმიანობას სკოლის შინაგანაწესისა და საქართველოს კანონმდებლობის შესაბამისად;
V.2.7. თავის საქმიანობას წარმართავს დირექტორატთან შეთანხმებით.

V.3 დირექტორის მოადგილე სასწავლო-აღმზრდელობით დარგში

V.3.1. დირექტორის მოადგილე (სასწავლო-აღმზრდელობით დარგში) წარმართავს სკოლის სასწავლო-აღმზრდელობით საქმიანობას;
V.3.2. უზრუნველყოფს სკოლის სასწავლო პროცესის დაგეგმვას;
V.3.3. უზრუნველყოფს საგნის სწავლების ეფექტური მეთოდების დანერგვას;
V.3.4. სკოლის საგნობრივ კათედრებთან ერთად შეიმუშავებს და შეარჩევს სასწავლო პროგრამებს;
V.3.5. აკონტროლებს სკოლაში მიმდინარე სასწავლო-აღმზრდელობით პროცესს;
V.3.6. კოორდინაციას და კონტროლს უწევს სკოლაში კათედრების მუშაობას;
V.3.7. კოორდინაციას უწევს პედაგოგიური პერსონალის კვალიფიკაციის ამაღლებას;
V.3.8. აკონტროლებს სკოლის პედაგოგიურ პერსონალს, მათი პროფესიული საქმიანობის შესრულებისას;
V.3.9. სკოლაში სასწავლო აღმზრდელობითი პროცესის გაუმჯობესების მიზნით შეიმუშავებს და წარუდგენს რეკომენდაციებს და წინადადებებს სკოლის დირექტორატს;
V.3.10. შეიმუშავებს სწავლა-სწავლების პროცესისათვის: ა) შეფასების სტრატეგიებს, ბ)სტანდარტებს  გ)კრიტერიუმებს, დ) პროცედურებს;
V.3.11. მონიტორინგს უწევს ზემოთ გაწერილ პროცესებს და წარუდგენს დირექტორს;
V.3.12. ანგარიშვალდებულია დირექტორის წინაშე.

V.4 ბუღალტერი

V.4.1. წარმართავს სკოლის საფინანსო და საბუღალტრო აღრიცხვა-ანგარიშგების საქმიანობას;
V.4.2. აწარმოებს სკოლის საფინანსო-საბუღალტრო დოკუმენტაციას;
V.4.3. საინვენტარიზაციო კომისიასთან ერთად აწარმოებს სკოლის მატერიალურ ფასეულობათა ინვენტარიზაციას;
V.4.4. აწარმოებს როგორც სკოლის სალაროს აღრიცხვას, ასევე კანონმდებლობით გათვალისწინებულ ყველა საბუღალტრო დოკუმენტაციას;
V.4.5. უზრუნველყოფს მშობლებთან და თანამშრომლებთან დადებული ხელშეკრულებით გათვალისწინებული ფინანსური ვალდებულების აღსრულებას;
V.4.6. თვალყურს ადევნებს ახალ საგადასახადო კანონებს, კოდექსებს, სხვა დოკუმენტებს და შესაბამისი ცვლილებები შეაქვს საბუღალტრო საქმიანობაში;
V.4.9. პასუხისმგებელია დირექტორისა და დირექტორის მოადგილის წინაშე საფინანსო დარში;

V.5 ადმინისტრაციულ-საკანცელარიო საქმეთა მენეჯერი

V.5.1. აწარმოებს სკოლის მუშაკთა და მოსწავლეთა ბრძანებების ანბანურ წიგნს;
V.5.2. ინახავს და აკონტროლებს მასწავლებელთა და მოსწავლეთა პირადი საქმეების წარმოებას;
V.5.3. ვალდებულია ზუსტად აღრიცხოს მოსწავლეთა მოძრაობა და დროულად მიაწოდოს მონაცემები კლასის ხელმძღვანელებს;
V.5.4. აწარმოებს შემოსულ და გასულ კორესპოდენციის რეგისტრაციას, ამზადებს საჯარო მოთხოვნაზე პასუხებს და სხვადასხვა წერილებს;
V.5.5. პასუხისმგებელია ბრძანების გავრცელებაზე;
V.5.6. პასუხისმგებელია საკანცელარიო დოკუმენტაციასა და სკოლის არქივის დაცვაზე;
V.5.7. პასუხისმგებელია პირველკლასელთა რეგისტრაციაზე;
V.5.8. პასუხისმგებელია ატესტატების გაცემის წიგნზე;
V.5.9 აკონტროლებს ცხრილის მიხედვით გაკვეთილების ჩატარებასა და მასწავლებელთა დასწრების აღრიცხვას;
V.5.10. აკონტროლებს სასკოლო დოკუმენტაციას ჟურნალების, რეიტინგული მატრიცების, პირადი საქმეების, დახასიათებების წარმოებას;
V.5.11. ადგენს პედსაბჭოს ოქმებს;
V.5.12. აკონტროლებს ელექტრო ფოსტას;
V.5.13. პასუხისმგებელია დირექტორისა და მოადგილეების წინაშე.

V.6. საზოგადოებასთან ურთიერთობის მენეჯერი

საზოგადოებასთან ურთიერთობის მენეჯერი ვალდებულია:

V.6.1. უზრუნველყოს კავშირი საზოგადოებასთან, მას-მედიასთან, არასამთავრობო და სამთავრობო ორგანიზაციებთან;
V.6.2. დაამყაროს კავშირი სხვადასხვა საგანმანათლებლო ინსტიტუტებთან;
V.6.3. დაამყაროს კავშირი საერთაშორისო და საზღვარგარეთის სამთავრობო თუ არასამთავრობო ორგანიზაციებთან;
V.6.4. განახორციელოს ინფორმაციის ოპერატიული გაცვლა სისტემაში;
V.6.5. კოორდინაცია გაუწიოს სკოლასა და სხვა ორგანოებს შორის ურთიერთობებს;
V.6.6. ორგანიზება გაუწიოს სკოლისათვის საჭირო საინფორმაციო მასალის მომზადებას და გამოქვეყნებას;
V.6.7. უზრუნველყოს სკოლას და კერძო სექტორს შორის თანამშრომლობა;
V.6.8. სკოლის კომუნიკაციის განყოფილების ხელმძღვანელს ან უფლებამოსილ პირს ნიშნავს დირექტორი. კომუნიკაციის განყოფილების ხელმძღვანელი ან უფლებამოსილი პირი ანგარიშვალდებულია დირექტორის წინაშე.

V.7 აღმზრდელობითი მუშაობის კოორდინატორი:

V.7.1. გაუწევს კოორდინაციას სკოლაში მოსწავლეთა ქცევის კოდექსით გათვალისწინებული პირობების შესრულებას;
V.7.2. აღრიცხავს დისციპლინურ გადაცდომებს;
V.7.3. გაუწევს კოორდინაციას მოსწავლეთა კლასგარეშე მუშაობას;
V.7.4. აღმზრდელობითი ინტერესებიდან გამომდინარე ითანამშრომლებს თეატრებსა და შემოქმედებით კოლექტივებთან;
V.7.5. აღმზრდელობითი ინტერესებიდან გამომდინარე ითანამშრომლებს საზოგადოებრივ და საერთაშორისო ორგანიზაციებთან;
V.7.6. ხელმძღვანელობს და წარმართავს სასკოლო მასშტაბის აღმზრდელობით ღონისძიებებს;
V.7.7. აკონტროლებს აღმზრდელობით დოკუმენტაციას;
V.7.8. პასუხისმგებელია დირექტორისა და სასწავლო აღმზრდელობით დარგში მოადგილის წინაშე.

V.8 მოლარე

V.8.1. ნაღდი ანგარიშწორებით შემოსული სწავლის საფასურის აღრიცხვა და გაფორმება;
V.8.2. სკოლის თანამშრომელთათვის ხელფასების გაცემა;
V.8.3. პასუხისმგებელია დირექტორისა, დირექტორის მოადგილესთან საფინანსო დარგში და ბუღალტერის წინაშე.
V.8.4. ანგარიშვალდებულია დირექტორის წინაშე.

V.9 პედაგოგი

პედაგოგი მოვალეა დაიცვას დასაქმებულთა საერთო ვალდებულებები. აგრეთვე მისი სამუშაოს პროფესიული სპეციფიკიდან გამომდინარე ვალდებულია:

V.9.1. აკმაყოფილებდეს განათლებისა და მეცნიერების სამინისტროს სტანდარტით გათვალისწინებულ კვალიფიკაციას;
V.9.2. კეთილსინდისიერად შეასრულოს თავისი სამუშაო, ჰქონდეს პასუხისმგებლობა;
V.9.3. იზრუნოს პროფესიულ განვითარებაზე. მონაწილეობა მიიღოს სასკოლო ტრეინინგებში და საჭიროების შემთხვევაში ინდივიდუალურად აიმაღლოს კვალიფიკაცია;
V.9.4. იზრუნოს სასწავლო პროცესის შემოქმედებითად წარმართვასა და სიახლეების დანერგვაზე;
V.9.5. მოიძიოს სასწავლო პროცესისათვის საჭირო მასალები, შესაბამისი მეთოდურ-სამეცნიერო ლიტერატურა;
V.9.6. მისცეს მოსწავლეს სტანდარტით გათვალისწინებული განათლება და სასწავლო-სოციალური უნარ-ჩვევები;
V.9.7. იზრუნოს განსაკუთრებული ინტერესის მქონე წარმატებული მოსწავლეებისათვის სტანდარტს ზევით ცოდნის მიცემაზე;
V.9.8. იზრუნოს სწავლის პრობლემების მქონე მოსწავლეებზე, მათი შესაძლებლობების შესაბამისი ცოდნისა და უნარ-ჩვევების განვითარებაზე;
V.9.9. იზრუნოს მოსწავლეთა ზნეობრივ, მოქალაქეობრივ და პატრიოტულ აღზრდაზე;
V.9.10. დაესწროს პედაგოგიური საბჭოს სხდომებს;
V.9.11. აქტიური მონაწილეობა მიიღოს საგნობრივი კათედრის მუშაობაში;
V.9.12. დროულად და აკურატულად შეავსოს სასწავლო დოკუმენტაცია (ჟურნალები, პირადი საქმეები, სილაბუსი, საგაკვეთილო სცენარები, კათედრის მუშაობის ოქმები და ა.შ.)
V.9.13. პროფესიულად შეადგინოს მასწავლებლის პორტფოლიო;
V.9.14. უზრუნველყოს სასკოლო წერებისა და გამოცდების ჩატარება შესაბამისი კვალიფიციური და მრავალფეროვანი მასალით, საჭიროების შემთხვევაში დაიცვას კონფიდენციალობა;
V.9.15. დაიცვას ობიექტურობა შეფასებაში;
V.9.16. იზრუნოს საგნობრივი ოლიმპიადების ჩასატარებლად, კლასგარეშე მუშაობისათვის;
V.9.17. დაიცვას ურთიერთობის ეთიკა და ბავშვთა უფლებები;
V.9.18. არ დააგვიანოს გაკვეთილზე, რაციონალურად გამოიყენოს საგაკვეთილო დრო, არ დაუშვას მისი არამიზნობრივად გაფლანგვა;
V.9.19. გაკვეთილზე არ ისარგებლოს მობილური ტელეფონით ან სხვა რამიზნობრივი ნივთებით;
V.9.20. გამოუვალი მდგომარეობის გამო გაკვეთილის გაცდენის შემთხვევაში წინა დღით აცნობოს დირექციას;
V.9.21. უზრუნველყოს სკოლაში მოსული მოსწავლეების გაკვეთილებზე ყოფნა, დაუშვებელია მოსწავლის კლასიდან გაშვება;
V.9.22. უზრუნველყოს დისციპლინა გაკვეთილის პროცესში. გამოუვალ მდგომარეობაში მიმართოს კლასის კურატორ-დამრიგებელს, აღმზრდელს ან დირექციის წარმომადგენელს;
V.9.23. იკისროს პასუხისმგებლობა მოსწავლეთა უსაფრთხოებაზე, რეაგირება მოახდინოს ნებისმიერ დისციპლინარულ გადაცდომაზე თავისი გაკვეთილის მიღმა, სასწავლო დაწესებულების მთელ ტერიტორიასა და მთელი სასწავლო პროცესის განმავლობაში;
V.9.24. დაიცვას მასწავლებელთა ქცევის კოდექსი;
V.9.25. დროულად მოახდინოს რეაგირება საკონფლიქტო სიტუაციის წარმოქმნის საშიშროების შემთხვევაში. შეძლოს მისი აღკვეთა და პრევენციული ზომების გატარება;
V.9.26. ითანამშრომლოს კლასის დამრიგებელთან, ფსიქოლოგთან და მშობლებთან;
V.9.27. აქტიურად ჩაერთოს სასკოლო ღონისძიებებში, პედაგოგიურ კონფერენციებში;
V.9.28. იზრუნოს საინტერესო იდეების, პროექტების განხორციელებისათვის სკოლის დირექციასთან შეთანხმებით.

V.10 საგნობრივი კათედრის გამგე

V.10.1. ზრუნავს მასწავლებელთა პროფესიულ განვითარებაზე;
V.10.2. ზრუნავს მოსწავლეთა სასწავლო პროცესში ჩართულობასა და წარმატებულ შედეგზე;
V.10.3. კოორდინაციას უწევს საგნისა თუ საგნების სწავლებას;
V.10.4. ხელმძღვანელობს ღონისძიებების ჩატარებას, რომლებიც ხელს უწყობს გამოცდილების გაზიარებას და პრობლემების გადაჭრის გზების ძიებას;
V.10.5. ხელმძღვანელობს სახელმძღვანელოებისა და დამხმარე ლიტერატურის შერჩევას;
V.10.6. კოლეგებთან ერთად შეიმუშავებს შეფასების კრიტერიუმებს;
V.10.7. კათედრასთან ერთად თანამშრომლობს სხვა საგნობრივი ჯგუფის მასწავლებლებთან;
V.10.8. ხელმძღვანელობს ახალ მეთოდოლოგიებსა და მიდგომებზე მუშაობას;
V.10.9. ადგენს პროფესიული განვითარების გეგმას;
V.10.10. ადგენს შესაბამის დოკუმენტებს.

V.11 აღმზრდელი, კურატორ-დამრიგებელი

აღმზრდელი, კურატორ-დამრიგებელი მოვალეა დაიცვას დასაქმებულთა საერთო ვალდებულებები. აგრეთვე მისი მუშაობის სპეციფიკიდან გამომდინარე ვალდებული არის:

V.11.1. აკმაყოფილებდეს განათლების სამინისტროს სტანდარტით და შინაგანაწესით გათვალისწინებულ კვალიფიკაციას;
V.11.2. კეთილსინდისიერად შეასრულოს თავისი სამუშაო, ჰქონდეს პასუხისმგებლობა;
V.11.3. დაესწროს პედაგოგიურ საბჭოს სხდომებს;
V.11.4. დროულად და აკურატულად შეავსოს ან შეადგენოს სააღმზრდელო დოკუმენტაცია (სააღმზრდელო გეგმები, აღმზრდელობითი ჟურნალები, მოსწავლეთა ნიშნების ფურცლები, პირადი საქმეები, დახასიათებები, რეკომენდაციები;
V.11.5. უზრუნველყოფს საკლასო ჟურნალის უსაფრთხოება, გააკონტროლოს მისი წარმოების ხარისხი;
V.11.6. დაიცვას ობიექტურობა;
V.11.7. დაიცვას ურთიერთობის ეთიკა და ბავშვთა უფლებები კლასის სააღმზრდელო გეგმის შედგენისას გაითვალისწინოს სკოლის
სააღმზრდელო პროგრამა და მოსწავლეთა ინდივიდუალური საჭიროებები;
V.11.8. შეასრულოს გეგმით გათვალისწინებული მოვალეობები და ღონისძიებები;
V.11.9. ითანამშრომლოს მშობლებთან, ფსიქოლოგთან და დირექციასთან. აღნუსხოს თანამშრომლების თარიღები და ფორმები;
V.11.10. აღწეროს სადამრიგებლო მუშაობის ყველა სფერო;
V.11.11. იკისროს პასუხისლმგებლობა მოსწავლეთა უსაფრთხოებაზე;
V.11.12. დროულად მოახდინოს რეაგირება კონფლიქტური სიტუაციის წარმოქნის შემთხვევაში. შეძლოს მისი აღკვეთა და პრევენციული ზომების გატარება;
V.11.13. დროულას შეატყობინოს დირექციას მისთვის დაუძლეველი პრობლემის შესახებ;
V.11.14. აქტიურად ჩაერთოს საკოლო ღონისძიებებში და გაუწიოს მას საჭირო ორგანიზება.ზრუნველყოს კლასის ჩართვა კულტურულ-საგანმანათლებლო და სპორტულ ღონისძიებებში;
V.11.15. იზრუნოს საინტერესო იდეების, პროექტების განხორციელებისვის დირექციასთან შეთანხმებით;
V.11.16. იზრუნოს მოსწავლეთა სკოლაში გამოცხადებასა და გაკვეთილებზე დასწრებაზე. აწარმოოს გაცდენების აღრიცხვა. დაადგინოს გაცდენის მიზეზი;
V.11.17. აწაარმოს მოსწავლეთა სპორტული, შემოქმედებითი და საგანმანათლებლო მიღწევების აღწერა;
V.11.18. აღნუსხოს წარმატებულ მოსწავლეთა წახალისების ფორმები;
V.11.19. აღნუსხოს დისციპლინარული დარღვევები და სახდელები;
V.11.20. დროულად აცნობოს ფსიქოლოგს შექმნილი სულიერი და სოციალური პრობლემის შესახებ. ხელი შეუწყოს მას პრევენციისათვის დაგეგმილი ღონისძიებების ჩატარებაში;
V.11.21. იკისროს პასუხისმგებლობა სასწავლო ინვენტარის მოვლა-პატრონობაზე, კლასის ესთეტიკურ და ჰიგიენურ მდგომარეობაზე.
V.11.22. უზრუნველყოს არასაგაკვეთილო პროცესში მოსწავლეთა უსაფრთხო და ორგანიზებული დასვენება.
V.11.23. უზრუნველყოს არასაგაკვეთილო პროცესის, დღის მეორე ნახევრის სამუშაოს (გაკვეთილების დამზადების) ორგანიზება;
V.11.24. აღრიცხოს გახანგრძლივებული რეჯიმით სწავლების პროცესზე დასწრება ან ადრე წაყვანის შემთხვევა;
V.11.25. უზრუნველყოს მოსწავლეთა ორგანიზებული კვება, ყურადღება გაამახვილოს სოციალურ-ესთეტიკურ აღზრდაზე. დაიცვას ქცევის და ჰიგიენური ნორმები;
V.11.26. მოსწავლეებს გამოუმუშავოს დამოუკიდებელი მუშაობის უნარ ჩვევები;
V.11.27. იზრუნოს სასწავლო პრობლემების მქონე მოსწავლეებზე მათი შესაძლებლობების შესაბამისი ცოდნისა და უნარ-ჩვევების განვითარებაზე;
V.11.28. საგნის მასწავლებლის რეკომენდაციით გონივრული, კომპეტენტური და ზომიერი დახმარება გაუწიოს მოსწავლეს;
V.11.29. სწავლების სიძნელეების გადასალახად გაითვალისწინოს ფსიქოლოგის რეკომენდაციები;
V.11.30. ყოველდღიურად აცნობოს მშობელს მოსწავლის მუშაობის შეგედებისა და სახლში შესასრულებელი დარჩენილი სამუშაოების შესახებ;
V.11.31. აქტიურად ითანამშრომლოს მშობელთან მისი შვილის სასკოლო-სოციალური უნარ-ჩვევების გასაუმჯობესებლად;
V.11.32. უზრუნველყოს და აკონტროლოს, რომ მოსწაავლეებს ჰქონდეთ ყველა საჭირო სასწავლო ნივთი;
V.11.33. შეიმუშავოს ინდივიდუალური სტიმულირებისა წახალისების ფორმები;
V.11.34. იზრუნოს მოსწავლეთა ზნეობრივ, მოქალაქეობრივ და პატრიოტულ აღზრდაზე;
V.11.35. დაიცვას მასწავლებელთა ქცევის კოდექსი;

V.12. ფსიქოლოგი

V.12.1. უზრუნველყოს მასწავლებელთა პედაგოგიურ-ფსიქოლოგიური ცოდნის ამაღლება, საჭიროების შემთვევაში ტრენინგების ჩატარება;
V.12.2. მოახდინოს პირველკლასელთა დიაგნოსტიკა, მოსწავლეთა კლასებში გადანაწილება დაბალანსირებული კლასების შედგენის მიზნით;
V.12.3. ურჩიოს პირველკლასელთა აღმზრდელ-მასწავლებლებს თითოეულ მოსწავლესთან მუშაობის ეფექტური გზები; მოახდინოს მოსწავლეთა დიაგნოსტიკა პრობლემურ სიტუაციებშიდა დაგეგმოს პრევენციული ღონისძიებები;
V.12.5. ჯგუფში შექმნილი სოციალური პრობლემების შემთხვევაში ჩაატაროს შესაბამისი პრევენციული სამუშაოები;
V.12.6. ჩაატაროს ინტელექტუალური თამაშების საათები, მოსწავლეთა იოლი სოციალური ადაპტაციის, ყურადღების, სასკოლო უნარ-ვევების განვითარების მიზნით;
V.12.7. გაესაუბროს სკოლაში მისაღებ კადრს, მისი ფსიქოლოგიური მოტივაციის ნაწილობრივ დასადგენად;
V.12.8. აქტიურად ითანამშრომლოს აღმზრდელობითი მუშაობის კოორდინატორთან, ჩაერთოს აღმზრდელობითი ღონისძიებების დაგეგმვაში;
V.12.9. ითანამშრომლოს პედაგოგ-აღმზრდელებთან, მშობლებთან და მოსწავლეებთან მათი მოთხოვნის შესაბამისადაც, თუ ისინი თვლიან, რომ პრობლემის გადასალახად სწორედ ფსიქოლოგის დახმარებასჭირდებათ;
V.12.10. საჭიროების შემთხვევაში დააკვირდეს პედაგოგიური კადრების სოციალურ-ფსიქოლოგიურ ქცევას. მისცეს მათ პროფესიონალური რჩევები. საჭიროების შემთხვევაში მისცეს სათანადო რეკომენდაციები დირექციას.

V.13. ბიბლიოთეკარი

ბიბლიოთეკარი მოვალეა დაიცვას დასაქმებულთა საერთო ვალდებულებები.
აგრეთვე მისი სამუშაოს სპეციფიკიდან გამომდინარე ვალდებულია:

V-13.1. უზრუნველყოფს სკოლის ბიბლიოთეკის რეგულარულად მუშაობას;
V-13.2. ეხმარება მოსწავლეებს ლიტერატურის შერჩევაში;
V-13.3. აწარმოებს წიგნების აღრიცხვას და უზრუნველყოფს წიგნების ფონდის
დაცვას;
V-13.4. ხელს უწყობს მოსწავლეთა და მასწავლებელთა შემოქმედებითი
საქმიანობის წარმართვას;
V-13.5. ზრუნავს ბიბლიოთეკის წიგნების ფონდის განახლებაზე;
V-13.6. ბიბლიოთეკიდან წიგნების დაკარგვის, განადგურების ან სხვა
შემთხვევაში თუ დადგინდა ბიბლიოთეკარის ბრალეულობა
აანაზღაურებს ზარალს;
V-13.7. პასუხისმგებელია ბიბლიოთეკაში არსებულ ქონებაზე (წიგნები,
ინვენტარი, ტექნიკური აღჭურვილობა და სხვ. )
V-13.8. დაგეგმოს ღონისძიებები წიგნიერების ამაღლების მიზნით;

V-14 კომპიუტერული მომსახურეობის ოპერატორი

კომპიუტერული მომსახურეობის ოპერატორი მოვალეა დაიცვას დასაქმებულთა საერთო ვალდებულებები და მისი მუშაობის სფეციფიკიდან გამომდინარე ვალდებულია:

V-14.1 უზრუნველყოფს სკოლას საინფორმაციო სიახლეებით;
V-14.2. ტექნიკურ მომსახურებას უწევს კომპიუტერულ ტექნიკას;
V-14.3. ხელს უწყობს სკოლის თანამშრომლებს საინფორმაციო ტექნოლოგიების ათვისებასა და გამოყენებაში;
V-14.4. ეხმარება სკოლის პედაგოგებს საგნობრივი მასალებისა და სასწავლო თვალსაჩინოების მოძიებაში;
V-14.5. უზრუნველყოს საბუღალტრო დოკუმენტაციის კომპიუტერული მომსახურეობა.

V-15 ლოჯისტი

ლოჯისტი მოვალეა დაიცვას დასაქმებულთა საერთო ვალდებულებები. აგრეთვე მისი სამუშაოს სფეციფიკიდან გამომდინარე ველდებულია:
V-15.1. უზრუნველყოს სკოლის მატერიალური ქონების ექსპლუატაციისა და წესების დაცვა;
V-15.2. უზრუნველყოს სკოლის შენობის და მისი შემოგარენის წესრიგი.
V-15.3. უზრუნველყოს წყალსადენისა და კანალიზაციის გამართული მუშაობა;
V-15.4. უზრუნველყოს სკოლის მომარაგება სამეურნეო საქონლით;
V-15.5. სკოლის დირექტორს წარუდგინოს ტექნიკური პერსონალის სამუშაოს ტაბელი;
V-15.6. ზედამხედველობა გაუწიოს ტექნიკური პერსონალის მიერ ჩატარებულ სამუშაოს;
V-15.7. უზრუნველყოს სკოლის სახანძრო და სხვა უსაფრთხოების ნორმების დაცვა;
V-15.8. შეამოწმოს სკოლის შენობის, საკლასო ოთახების, სათავსოების, საკვანძების მდგომარეობა სასწავლო პროცესის დაწყებამდე და დამთავრების შემდეგ;
V-15.9. განახორციელოს მონიტორინგი ელექტრეოენერგიის და წყლის ხარჯვაზე;
V-15.10. უხელმძღვანელოს სკოლის მიმდინარე და კაპიტალური რემონტების ჩატარებას;
V-15.11. უზრუნველყოს ხარჯთაღრიცხვის დოკუმენტაციის შედგენა;
V-15.12. დირექტორის დავალებით შეასრულოს წარმომადგენლობითი ფუნქცია;
V-15.13. პასუხისმგებელია დირექტორის ფინანსური მოადგილის და ბუღალტერის წინაშე;

V-16 ექიმი

ექიმი მოვალეა დაიცვას დასაქმებულთა საერთო ვალდებულებები.
აგრეთვე მისი სამუშაოს სფეციფიკიდან გამომდინარე ვალდებულია:
V.16.1. იზრუნოს სკოლაში სანიტარულ-ჰიგიენური ნორმების დაცვაზე;
V.16.2. უზრუნველყოს სკოლაში პირველადი სამედიცინო დახმარება;
V.16.3. შეკრიბოს მონაცემები მოსწავლეთა ჯანმრთელობის შესახებ, აღრიცხოს და შეინახოს ცნობები ჯანმრთელობის შესახებ;
V.16.4. პირველადი სამედიცინო დახმარების გაწევის შემდეგ  საჭიროების შემთხვევაში მოსწავლე გაათავისუფლოს გაკვეთილებიდან და დაუკავშირდეს მშობელს ან მოახდინოს მისი ჰოსპიტალიზირება;
V.16.5. გათავისუფლების შემთხვევაში გასცეს ცნობა. სკოლის ექიმის მიერ გაცემული ცნობა ითვლება საპატიოდ იმ შემთხვევაშიც თუ მოსწავლე დარეგისტრირდა მასთან და გააცდინა მომდევნო ორი დღის საგაკვეთილო პროცესი;
V.16.6. უზრუნველყოფს ყველა საჭირო ხელსაწყოს სათანადო სანიტარული ნორმებით დაცვას;
V.16.7. ანგარიშვალდებულია სკოლის დირექტორის წინაშე სანიტარულ მდგომარეობაზე;
V.16.8. აღრიცხოს მიღებული მედიკამენტები და აწარმოოს გაცემის რეგისტრაცია სპეციალურ ჟურნალში.
V.16.9. განსაზღვროს პირველადი დახმარებისათვის საჭირო მედიკამენტების ნუსხა აკონტროლოს მათი ხარისხი შენახვა და გაცემა;
V.16.10. განსაზღვრავს და ადგენს ბავშვთა კვების მენიუს;
V.16.11. აკონტროლებს პროდუქტთა ხარისხს შენახვის წესებს კვების ობიექტებში (სასადილო , ბუფეტი)სანიტარულ-ჰიგიენური ნპორმების დაცვას .
V.16.12. პასუხისმგებელია დირექტორის, ფინანსურ დარგში მოადგილის წინაშე.

V-17 მზარეული

V.17.1. ვალდებულია მენიუსა და სქემის შესაბამისად განსაზღვროს პროდუქტების სახეობა და რაოდენობა.
V.17.2. დაიცვას პროდუქტის შენახვის წესები
V.17.3. დაიცვას სადილის მომზადებისას ჰიგიენური ნორმები
V.17.4. უზრუნველყოს მოსწავლეებზე გათვალისწინებული ულუფის გადანაწილება.
V.17.5. უფლება აქვს მოსწავლეთა ნაწილის გამოუცხადებლობის შემთხვევაში გადაანაწილოს მოჭარბებული საკვები პროდუქტი სხვა ბავშვებზე.
V.17.6. ვალდებულია ზედმეტი პროდუქციის ჩამოწერის შემთხვევაში შეადგინოს ჩამოწერის აქტი.
V.17.7. ვალდებულია დღის მენიუთი გათვალისწინებული მზა საკვები შეინახოს ოცდაოთხი საათი.

V-18 ჭურჭლის მრეცხავის ფუნქციებია:

V.18.1. იზრუნოს ინვენტარის გაფრთხილებასა და სისუფთავეზე
V.18.2. აღრიცხოს ინვენტარის დაზიანების შემთხვევები
V.18.3. დაიცვას ინვენტარის შენახვის წესები

V-19 დამლაგებელი

V.19.1. მთელი დღის განმავლობაში ვალდებულია უზრუნველყოს სისუფთავე მასზე მიმაგრებულ ტერიტორიაზე;
V.19.2. სკოლის ექიმის მეთვალყურეობით უზრუნველყოფს საპირფარეშოების დამუშავებას სადეზინფექციო ხსნარებით;
V.19.3. გაუფრთხილდეს მასზე მიმაგრებულ ინვენტარს;
V.19.4. განსაზღვროს და წარმოადგინოს საჭირო სანიტარულ-ჰიგიენური საშუალებების ნუსხა, უზრუნველყოს მისი მიზნობრივი ხარჯვა და აღრიცხვა;

კვების ბლოკის დამლაგებლის ფუნქციებია:
V.19.5. იზრუნოს კვების ბლოკში სანიტარულ წესების დაცვაზე:
V.19.6. უზრუნველყოს სანიმუშო სისუფთავე კვების ბლოკში;
V.19.7. სასწავლო კვირის ბოლოს ჩაატაროს სადეზინფექციო სამუშაოები;
V.19.8. უზრუნველყოს კვების ნარჩენების დროული გატანა.

V-20 დაცვა

დაცვა უფლებამოსილია:

V.20.1. მოითხოვოს განსაკუთრებულ დაცვას დაქვემდებარებული სათავსოების აღჭურვა ცხაურებით.
V.20.2. მოითხოვოს დასაცავი ობიექტის ბოლო ინვენტარიზაციის შედეგები დამოწმებული “დამკვეთის” მიერ;
V.20.3. მაქსიმალურად უზრუნველყოს დაცვის ობიექტის შეუფერხებელი მუშაობა.
V.20.4. სკოლის შენობასა და მიმდინარე ტერიტორიაზე კონფლიქტური სიტუაციის შემთხვევაში  უმოკლეს ვადაში აცნობოს ადმინისტრაციას. კონფლიქტური სიტუაციის დაუძლევლობის შემთხვევაში აცნობოს შესაბამის ორგანოებს;
V.20.5. სასწავლო პროცესის მომდინარეობის დროს დაცვა ვალდებულია გააკონტროლოს მოსწავლეთა მოძრაობა და ქცევა სკოლის ტერიტორიაზე (შენობა და ეზო).
V.20.6. ვალდებულია ადმინისტრაციის ინფორმირების გარეშე არ დაუშვას უცხო პირთა შემოსვლა სკოლაში.
V.20.7. სასწავლო პროცესის დასრულების შემდეგ გააკონტროლოს შენობის უსაფრთხოება, ელექტროენერგიიასა და წყლის არამიზნობრივი ხარჯვა, გადაუდებელი აუცილებლობის შემთხვევაში დღეღამის ნებისმიერ დროს აცნობოს ადმინისტრაციას და შესაბამის ორგანოებს.
V.20.8. ვალდებულია აკონტროლოს გათბობის გამართულად მუშაობა.
V.20.9. აანაზღაუროს მისი ბრალეულობით ან მასზე დაკისრებული ვალდებულებების არაჯეროვანი შესრულებით სკოლისათვის მიყენებული ზარალი.